Sienkewicz Latin Declamation Contest
Eta Sigma Phi National Convention

2023
Contestants will record their polished videos of their declamationes by  Friday, March 17, 2023 here:
https://flip.com/fa57384d.

The winner will receive a $100 prize.
The video of the winning declamatio will be posted on YouTube and the winner will recite the declamatio in person at the national convention on Saturday, March 25, 2023 at Monmouth College in Illinois.
Note: All videos become the property of Eta Sigma Phi, which can use them for promotional purposes. Submission of a video implies agreement to these terms.
Information about previous Latin Declamation Contests can be found here: https://www.tomsienkewicz.com/LatinDeclamationContests.html.

The winner of this contest was Katrina Faulkner, Delta Chi at Dickinson College. Her video can be viewed at https://youtu.be/PEXvWbDs1j0.
You will be judged on the following:

1. Pronunciation (You may use any accepted pronunciation; e.g., classical or ecclesiastical; but be consistent.)
2. Interpretation of the Text
3. Smoothness of Delivery
4. Appropriate Use of Gestures (Use of costumes, props, and appropriate background is encouraged but is not necessary.)
5. Demeanor
6. Textual Accuracy

 

Speech of Calgacus in Tacitus' Agricola

Calgacus, a chieftain in the Caledonian Confederacy, addresses his fellow Britons before meeting the army of Gnaeus Julius Agricola at the Battle of Mons Graupius in northern Scotland in AD 83 or 84.

[30] "Quotiens causas belli et necessitatem nostram intueor, magnus mihi animus est hodiernum diem consensumque vestrum initium libertatis toti Britanniae fore: nam et universi co[i]stis et servitutis expertes, et nullae ultra terrae ac ne mare quidem securum inminente nobis classe Romana. Ita proelium atque arma, quae fortibus honesta, eadem etiam ignavis tutissima sunt. Priores pugnae, quibus adversus Romanos varia fortuna certatum est, spem ac subsidium in nostris manibus habebant, quia nobilissimi totius Britanniae eoque in ipsis penetralibus siti nec ulla servientium litora aspicientes, oculos quoque a contactu dominationis inviolatos habebamus. Nos terrarum ac libertatis extremos recessus ipse ac sinus famae in hunc diem defendit: nunc terminus Britanniae patet, atque omne ignotum pro magnifico est; sed nulla iam ultra gens, nihil nisi fluctus ac saxa, et infestiores Romani, quorum superbiam frustra per obsequium ac modestiam effugias. Raptores orbis, postquam cuncta vastantibus defuere terrae, mare scrutantur: si locuples hostis est, avari, si pauper, ambitiosi, quos non Oriens, non Occidens satiaverit: soli omnium opes atque inopiam pari adfectu concupiscunt. Auferre trucidare rapere falsis nominibus imperium, atque ubi solitudinem faciunt, pacem appellant.
[32] An eandem Romanis in bello virtutem quam in pace lasciviam adesse creditis? Nostris illi dissensionibus ac discordiis clari vitia hostium in gloriam exercitus sui vertunt; quem contractum ex diversissimis gentibus ut secundae res tenent, ita adversae dissolvent: nisi si Gallos et Germanos et (pudet dictu) Britannorum plerosque, licet dominationi alienae sanguinem commodent, diutius tamen hostis quam servos, fide et adfectu teneri putatis. Metus ac terror sunt infirma vincla caritatis; quae ubi removeris, qui timere desierint, odisse incipient. Omnia victoriae incitamenta pro nobis sunt: nullae Romanos coniuges accendunt, nulli parentes fugam exprobraturi sunt; aut nulla plerisque patria aut alia est. Paucos numero, trepidos ignorantia, caelum ipsum ac mare et silvas, ignota omnia circumspectantis, clausos quodam modo ac vinctos di nobis tradiderunt. Ne terreat vanus aspectus et auri fulgor atque argenti, quod neque tegit neque vulnerat. In ipsa hostium acie inveniemus nostras manus: adgnoscent Britanni suam causam, recordabuntur Galli priorem libertatem, tam deserent illos ceteri Germani quam nuper Usipi reliquerunt. Nec quicquam ultra formidinis: vacua castella, senum coloniae, inter male parentis et iniuste imperantis aegra municipia et discordantia. Hic dux, hic exercitus: ibi tributa et metalla et ceterae servientium poenae, quas in aeternum perferre aut statim ulcisci in hoc campo est. Proinde ituri in aciem et maiores vestros et posteros cogitate."