Discipuli, pulchrum si me non esse putatis,

          externa specie plus valet ingenium.

nam petasus nusquam toto si quaeritis orbe

          me melior vobis inveniendus erit.      

lautitias odi: nolo tegmenta rotunda

          neve cylindratos tradite mi petasos.

Distribuens Petasus vobis Hogvartius adsum

          cui petasos alios exsuperare datur.

Distribuens Petasus scrutatur pectora vestra,

          quodque videre nequit nil latet in capite.

in caput impositus vobis ostendere possum

          quae sit, vaticinans, optima cuique domus.            

vos forsan iuvenes Gryffindor habebit alumnos;

          hanc semper fortes incoluere domum.

gens hominum generosa illa est fortisque feroxque;

          illi nulla potest aequiperare domus.

gentibus a iustis et fidis Huffle tenetur

          Puff. adversa tamen scit domus illa pati.

hic homines animisque piis verique tenaces

          invenietis. erit vestra secunda domus.

tertia restat adhuc Ravenclaw nomine dicta;                     

          est vetus et sapiens ingeniisque favet.

sunt lepus hic hominum cultorum artesque Minervae;     

          discipulos similes hic habitare decet.

forsitan in Slytherin veri invenientur amici;

          improbus es? fallax? haec erit apta domus.

ut rata vota habeant scelerosis omne patrandum est

gentibus his;  quaerunt nil nisi lucra sua.

verticibus iubeo me vos imponere nec non

          pectoribus firmis rem tolerare velim!

‘incolumes eritis petasi tutamine,’ dicunt,
          ‘cum careat manibus, cogitat ille tamen.’